सिरीजङ्घा गाउँपालिकाको टोल विकास संस्था गठन तथा परिचालन सम्बन्धी ऐन, २०७६ बमोजिम गठित सिकैचा टोल विकास संस्थाले प्रत्येक महिनाको एक दिन स्थानीय विकास निर्माण कार्यमा श्रमदान गर्ने निर्णय गरेको छ । सो बमोजिम हालसम्म उक्त टोलभित्रका विभिन्न स्थानमा स्थानीय गोरेटो सडक निर्माण, खोला तटबन्धन लगायतका कार्यहरु गरि सकेको अवस्था छ। सिकैचा टोलमा जम्मा ६१ घरधुरी रहेका छन् । प्रायः सबै घरधुरीका सदस्यहरुले टोल विकास संस्थाको निर्णय बमोजिम विकास निर्माण कार्यमा महिनाको एक दिन श्रमदान दिने गरेको जानकारी उक्त टोल विकास संस्थाकी अध्यक्ष श्री शान्ती योङ्हाङ यवागुले गराउनु भएको छ । हालसम्म श्रमदान मार्फत सम्पन्न योजनाहरु देहाय बमोजिम रहेको छ:-
१. तुम्याखोला पावरहाउसदेखी तल्लो टारीसम्मको गोरेटो बाटो निमाण,
२. हिमादेनदेखी आहालेडाडासम्म गोरेटो बाटो निर्माण,
३. हिमादेनमा मन्दिर सरसफाइ एवम् मर्मत,
४. भञ्ज्याङ्देखि वडा कार्यालयसम्म जाने सडकमा ढुङ्गा जाली भर्ने काम,
५. भाङ्बारीदेखी पाठकडाडासम्म गोरेटो बाटो निर्माण (निर्माणाधीन) आदि।
२०७७ भदौ महिनादेखी यो अभियान निरन्तर चलेको छ ।
निर्माणाधीन आयोजनाको एक तस्वीर।