समाचार
सिरीजङ्घा गाउँपालिकाका सामुदायिक विद्यालयबाटSEEपरीक्षामा सर्वोत्कृष्ट नतिजा ल्याउने ८ जना विद्यार्थीहरुलाई "नि:शुल्क शिक्षा, हामी सबैको इच्छा" कार्यक्रम अन्तर्गत कृषि र पशु विज्ञानविधामा३वर्षे कोर्स (IScAg)अध्ययनमा जानुअघि कबुलियतनामा गर्दा लिइएका तश्बिर
सिरीजङ्घा गाउँपालिकाका प्रत्येक वडा (८) का सामुदायिक विद्यालयबाट SEE परीक्षामा सर्वोत्कृष्ट नतिजा ल्याउने ८ जना विद्यार्थीहरुलाई "नि:शुल्क शिक्षा, हामी सबैको इच्छा" कार्यक्रम अन्तर्गत कृषि र पशु विज्ञान विधामा ३ वर्षे कोर्स (ISc Ag) अध्ययन गर्न श्री सिनाम क्याम्पस, सिनाम र श्री रत्न कुमार वान्तवा पोलिटेक्निकल ईन्स्टिच्युट, साखेजुङ, इलाममा औपचारिक तवरले पठाउनु अघि सम्बन्धित आठै जना विद्यार्थीहरुसग गाउँपालिकाबाट कबुलियतनामा गरियो। तीन वर्षे कोर्स अध्ययन समाप्त भए पश्चात् आफ्नो/आफ्नो वडा कार्यालयबाट कम्तिमा एक वर्षसम्म यी विद्यार्थीहरुले कृषि र पशु सेवा उपलब्ध गराउनु पर्ने हुन्छ। क्याम्पसमा लाग्ने भर्ना शुल्क, मासिक शुल्क, रजिष्ट्रेशन शुल्क, परीक्षा शुल्क लगायतका सम्पूर्ण शुल्क तथा दस्तुर गाउँपालिकाले व्योहोरी दिनेछ भने यसका अलावा देहायमा उल्लिखित शिर्षकगत रकम प्रत्येक विद्यार्थीलाई बैंक खाता मार्फत सोझै उपलब्ध समेत गराइनेछ।
देहाय:
(१) आवास तथा खाना वापत (मासिक) ७,५००।०० रुपैयाँ,
(२) पोशाक वापत (वार्षिक) १०,०००।०० रुपैयाँ, र
(३) स्टेशनरी बापत (वार्षिक) १०,०००।०० रुपैयाँ ।
यो कार्यक्रमसग विस्तृत विवरण "सिरीजङ्घा गाउँपालिकाको छात्रवृत्ति व्यवस्थापन सम्बन्धी कार्यविधी, २०७७ बाट बुझ्न सकिनेछ ।
अध्ययनमा जानु अघि कबुलियतनामा गर्दा लिइएको तस्वीर।