समाचार
ताप्लेजुङ जिल्लाभित्रका अन्तर माध्यमिक विद्यालय स्तरीय वक्तृत्वकला प्रतियोगिताको झलकहरू।
नयाँ वर्ष २०७८ सालको उपलक्ष्यमा सिरीजङ्घा गाउँपालिकाद्वारा आयोजित "ताप्लेजुङ जिल्लाभित्रका अन्तर माध्यमिक विद्यालय स्तरीय वक्तृत्वकला प्रतियोगिता, २०७८" सम्पन्न भएको छ। प्रतियोगितामा ताप्लेजुङ जिल्लाका ८ वटा स्थानीय तहभित्रका विभिन्न २७ वटा सामुदायिक विद्यालयका विद्यार्थीहरुको सहभागिता रहेको थियो। पहिलो चरणबाट उत्कृष्ट ५ विद्यार्थी छनोट गर्ने गरि समग्र प्रतियोगितालाई दुई चरणमा विभक्त गरिएको थियो। जस अनुसार पहिलो चरणबाट जम्मा ५ जना विद्यार्थीहरु प्रतियोगिताको दोस्रो एवम् फाइनल चरणमा प्रवेश गरेका थिए भने फाइनल चरणबाट देहायमा उल्लिखित विद्यार्थीहरुले क्रमशः प्रथम, द्वितीय, तृतीय र सान्त्वनाको स्थान हासिल गर्दै तपसिल बमोजिमको पुरस्कार राशी र प्रमाणपत्रले विजयी विद्यार्थीहरुलाई सम्मान गरिएको थियो।
देहाय:
१. सिनाम नमूना मा.वि. सिरीजङ्घा १, सिनामकी छात्रा श्री निशाम थेबेले प्रथम स्थान हासिल गर्नुभएको थियो। वहाँलाई नगद ३०,०००।०० रकम र प्रमाणपत्रले पुरस्कृत गरिएको छ।
२. सरस्वती मा.वि. आठराई त्रिवेणीकी छात्रा श्री ललिता खातीले द्वितीय स्थान हासिल गर्नुभएको थियो। वहाँलाई नगद २०,०००।०० रकम र प्रमाणपत्रले पुरस्कृत गरिएको छ।
३. शारदा मा.वि. पाथीभरा याङ्वरककी छात्रा श्री रेविका तामाङले तृतीय स्थान हासिल गर्नुभएको थियो। वहाँलाई नगद १०,०००।०० रकम र प्रमाणपत्रले पुरस्कृत गरिएको छ।
४. भानुजन मा.वि. फुङ्लिङकी छात्रा श्री शोभा सेम्बु र सरस्वती मा.वि. फक्ताङ्लुङका छात्र श्री दिपेश लिम्बुले सान्त्वनाको स्थान हासिल गर्नुभएको थियो। वहाँहरु दुवैजनालाई नगद ३,०००।०० रकम र प्रमाणपत्रले पुरस्कृत गरिएको छ। प्रतियोगिता कार्यक्रमको उद्घाटन एवम् समापन समारोह सिरीजङ्घा गाउँपालिकाका अध्यक्ष श्री टिका राम गुरुङ ज्यूको सभापतित्वमा सञ्चालन भएको थियो भने पाथीभरा याङ्वरक, आठराई त्रिवेणी र सिरीजङ्घा गाउँपालिकाका उपाध्यक्षहरुको समेत उक्त कार्यक्रममा उपस्थिती रहेको थियो। प्रतियोगिताको निर्णायक मण्डलीको नेतृत्व याङवरक गाउँपालिका, पाँचथरका प्रमुख प्रशासकीय अधिकृत श्री रोहिणी आचार्यले गर्नुभएको थियो।